حقوق المرأة في الميراث

حقوق المرأة في الميراث
نهيل الشقران

بسم الله الرحمن الرحيم
( سنتناول اليوم موضوعاً هامّا ً أصبح ظاهرة في مجتمعنا )

اللوحة الأولى:
– يابا ليش تهاوشت مع عمّاتي، وضربتوهن انت وأعمامي؟ شو عاملات؟؟
– يا ولد بدهن يقاسمنّي أنا وأعمامك على ورثة جدك
– طيّب يابا مهو الشرع والدين هو اللي فرض الورثه للذكر مثل حظ الأنثيين، يعني من حقهن يوخذن نصيبهن من الورثه
– يا ولد انت بدك الغريبين يتمتّعوا بمال جدك؟؟ احنا تعبنا وشقينا مع جدك تا صار عنده اراضي وأملاك، ييجي الغريب يقاسمنا على تعبنا؟؟
– يابا وهنّ تعبن وشقين مثلكم وزياده، كانن يشاركن بالزراعة والحصيدة فوق شغل الدار، بعدين يابا انت بترضى جدي أبو أمي يحرمها من ورثتها؟
– لأ، ما برضى
– ليش بتحلل لحالك وبتحرّم على غيرك؟؟
– (يسكت الأب ولا يستطيع الإجابة)
– شايف يابا حجتك ضعيفه، أو ما عندك حجة بالأساس. يابا تذكّر الحديث النبوي اللي بقول فيه الرسول صلّى الله عليه وسلّم :” مَنْ قَطَعَ مِيرَاثًا فَرَضَهُ اللَّهُ، قَطَعَ اللَّهُ مِيرَاثَهُ مِنَ الْجَنَّةِ”.
وقال تعالى :” واتّقوا الله الذي تساءلون به والأرحام” صدق الله العظيم
……………………………………………………………………………..
اللوحة الثانية:
– يمّا ليش بتبكي؟؟ شو في؟؟
– ولا شي يمّا خليني بحالي الله يرضى عليكي، ولا تهتمي انتي عرسك بعد كم يوم ديري بالك على حالك وعلى خطيبك
– لا يمّا ما بتركك إلّا لمّا أعرف ليش بتبكي
– يمّا انتي شايفه حق كاز نتدفى بهالشتويه ما في وخوالك بتدفوا عالتدفئة المركزية، ونسوانهم راكبات سيارات آخر موديل
– هو جدي يمّا كان عنده أرض أو مصاري؟؟
– جدك يمّا كان من كبار الملّاك، وكان رصيده بالبنك بمئات الآلاف
– طيّب ليش سمحتي لأخوتك؟؟
– يمّا الله لا يسامح خوالك ، ضحكوا على جدّك وخلّوه يبصملهم على كل شي قبل ما يموت، منهم لله، والله عملوا مثل قصة الذئب والحمل، ظلّ يحوم حواليه حتى أكله. والأخوة بهالأيّام لو يطلع بايدهم بوكلوا مش بس ورثة خواتهم، بوكلوهن وهن طيبات.
– النا الله يما ما بنسانا من فضله
– والنعم بالله

اظهر المزيد

مقالات ذات صلة

اترك رداً

زر الذهاب إلى الأعلى