يمّا تزعليش…
يمّا لا تزعلي، ما بقدر اضل هون انتي بترضي بيتنا الكبير اتركه لليهود !!
يما شوفي كل صحابي و قرايبي هناك ولساتك خايفه اني اموت ازا ما طلعت يمّا والله بموت ..
تخافيش معي بكل جيوبي حجار ومعي بارودة ابوي الشهيد بارودة الاحرار ،و معي كمان خنجر المرحوم البطل جدي الي معلق عباب الدار، و شوية قنابل من ايام المرحوم يوسف اخوي طلتهن من الجرّار ،يمّا ترضّي علي وادعيلي ولا تبكي لأنك بتعذبيني يمّا معقول يستعبدونا واحنا احرار قوليلي يمّا هيك ربيتيني !!
اخ يا ابني والله تعبت و قلبي تعب الله يكون معك وينصرك ،والله انا بس خايفه عليك تروح ما ترجع بطّل عندي غيرك بالدار يما حاول تبعد قد ما تقدر عن النار يمّا قلبي مقبوض بترجاك لا تطلع من الدار
بعد نص ساعه وصوت الرصاص بره بهز الجبال والاقصى صورته بكل القتوات
محمد يمّا مش رح اقولك لا ولا رح اغضب عليك
خلص يّما اقولك روح بس عطيني حضن كبير وشممني ريحتك انا بس بعز علي تروح وما ترجع لأني ولله بشتقلك
يا نور عيوني روح ربي وقلبي وروحي راضيين عليك الله معك يا عريس سلملي على جميع…
محمد راح وامه كانت عارفه انه مش راجع، وصحاب محمد وكتير ناس من الحي، راحوا وعم بروحوا ،ورح يضلوا يروحوا هادا المشهد بتشوفوا كل يوم ورح تضل تشوفه ،لانه هاي الارض فيها سر،ّ انه من كتر
ما بتحبها بتحس روحك كتير قليله عليها بتحس حالك يا بتعيش عطول فيها ،يا بتموت وانت بتفديها، وحتى تعيش فيها لازم تروي ارضها وشجرها بدمك ولازم تودع ابوك و صحابك وامك فلسطين جرحهم وجرحك ،وجرح اجدادك جرحنا القديم والجديد صدقني مضطر تموت انت ،او حدا من عيلتك، او وولادك، لانه ما حدا بدو يموت غيركم ،وكله مغمض يمكن نايم اوخايف يصحا وخايف يتحرك مشان ما يموت، او يمكن عاجبه هالكابوس،يا ترى ممكن يصحوا منه!! ممكن يتحول الكابوس لحلم ولا مطولين نلاقي هالفانوس…
معقول خلص تروح شجرات التين والزعتر والزيتون وتموت معقول يبطل اسمها فلسطين وخلص ينمحي هالأسم من الوجود معقول قبة الصخره تصير لليهود معقول ومعقول ومعقول !!!
لا اكيد مش معقول لانه لو بموت عشره رح يوقف غيرهم عشرين يدافعوا عن الاقصى و تراب الارض …تراب فلسطين
ورح يجي الف واحد غير محمد يعّرفوا اليهود احنا مين وليش اسمنا شعب الجبارين ،حتى يشوفوا كيف احنا ما بنموت صدقوني احنا بس بنعيش…
ما رح يقدروا ياخدوا منا لا حجر ولا شجر
الارض النا شبر شبر !
هاي ارض السلام ،الارض يلي دايما خضره، الارض الي ما بتنام ارض جدودنا، ارض الابطال ارض المقدسات، ارض مستحيل تصير محتله!!لانه هواها حريه وشمسها حتى لو غابت في بأعلى سماها صخرة مضويّه…
تعيش الحرّيه #تعيش قبة الصخره# تعيش بلدي، وبلدك، وبلد الكل فلسطين ،حره صامده ،ابيه # تعيش #تعيش #تعيش
