ممكن رئيس الوزراء يكون مقنع
اذا تعالج بمستشفيات حكوميه بشكل طبيعي اوجاب تحويل من مركز صحي
لما يكون يستلم راتبه من بنك ويوقف عالدور مثله مثل باقي الناس
لما يفطر يوم الجمعه فلافل
ويجيب اثنين كيلو خبز مشروح
لما يستنى المنسف يوم الجمعه
لما تقطعه سيارته عالطريق ويتصل بونش ييجي يشيلها
ممكن يكون مقنع اذا بتخالف لما يسرع عالصحراوي
او يكون بوقف على اشاره حمرا مثل باقي الناس
لما يروح على محكمه مشان يخفف مخالفته
ممكن يكون مقنع لما ابنه يدرس بجامعه من هالبلد
ويتخرج من هالبلد ويتوظف بهالبلد
ممكن يكون مقنع اذا بستلم الحكومه لانه بستحقها
مش لانه لما استقلت الاردن كان اله حدا بالوزاره
ممكن يكون مقنع اذا بشتري بيف باف للناموس
مش بوقف اثنين حراس على شبابيك غرفته
اذا بزور العنايا يوم العيد وبقضيها قهوه ومعمول
اذا بتروح عليه نومه وما بتسحر
ممكن يكون مقنع اذا كان شعر بيوم من الايام انه مواطن
ويدفع فاتوره المي والكهرباء بشكل طبيعي
ما يكون طول عمره دوله
ممكن يكون مقنع اذا كان عنده وحده من هذول وحده بس
