يا مدير الامن هاي مش شغلتكو ابداً
سناريو واقعي بعد سنتين
سيارة نجدة توقف سيارتي. يترجل ضابط امن ويتوجه الي ويقول
صباح الخير. اولاً. انت مش دافع اخر فاتورة كهرباء. تفضل ادفع او اترك السيارة ومع السلامة.
-يا بيك. كم قيمة الفاتورة.
-ثلاثين دينار واربع وستين فلس
-تفضل هاي خمس وثلاثين دينار
(يفتش البيك جيوبه ويقول
-ما فيه فكه. خلي السيارة هون وروح دور فكه
كمان انت مش دافع فاتورة المي وعليك شيك مكسور لابو علي وام صابر بتدعي ان ابنك كسر لوح قزاز بالفطبول.
-بس يا بيك انا صلحت لوح القزاز امبارح.
-ما وصلنا اشعار. روح جيب كف طلب من ام صابر.
بعدين. عمتك بتقول مش رايح عليها بعيد الضحية. ولا موديلها من ضحية اخوها.
-يا بيك انا بتفاهم مع عمتي بلاش تدسوا انفكوا بكل زغيرة وكبيرة
-بلا كثرة حكي اطلع بالباص.
