مجرد خربشات / موفق جباعتة

مجرد خربشات

لقد سمعنا وقرانا الكثير من المقالات في الصحف الالكترونية عن تعديلات في القانون الضريبي. انا مش فاهم يعني من وين الناس بتجيب مثل هيك اخبار !!؟؟ يا اخي الشعب الاردني شو دخله بالضرائب وتعديلاتها، شو فهمه بهيك مواضيع، يا زلمة خليه يفكر بلقمة عيشه افضل اله من متابعة هيك مواضيع. اكيد الحكومة افهم منا جميعا بمعالجة هيك اشياء. خلي ثقتك بالحكومة مثل ثقتك بالله. لكن بالله عليكوا لا تحكوا انه المصانع اتسكرت وقفلت ابوابها، وآلاف العمال باتوا بدون شغل بسبب الضرائب. انا مش عارف شو دخل الضرائب بهيك امور.

شوي وتحكوا انه ازمة التسجيل الي حدثت للطلاب المستجدين في احدى الجامعات، او الي قتل ابنه عشان خمس ليرات او ازمة احد المولات المشهورة في اربد، او حتى انحراف احدى الطائرات السياحية عن مسارها كان السبب فيها الحكومة. هيك بصراحة بنكون زودناها كثير وما يطلعنا.

والمشكلة انه فيه كثير من الناس العاديين جدا، الي زينا يعني من عامة الشعب، يحكولك معا لاستخراج البترول المتوافر بكميات وفيرة. يعني معقول الحكومة عارفة انه عنا في بترول وساكتة!!؟؟ مستحيل اصدق هالشي. يا اخي الحكومة بتخاف على المواطن من الطير الطاير، وتهكل همه اكثر من حاله. لو في بترول كان زمان طلعته عشان الشعب يتبغدد ويبطل يتذمر. وعلى شان يبطل يتهم الحكومة بالتقصير بكل صغيرة وكبيرة.

مقالات ذات صلة

يا جماعة سيبكوا من هيك سواليف وخربشات وخلي الحكومة تشوف شغلها. وخلوا ثقتكوا فيها كبيييييرة، قد الجبل.

اظهر المزيد

مقالات ذات صلة

اترك رداً

زر الذهاب إلى الأعلى