أبو قنوه ……ذيبان مربط خيلنا !ّ!!!
أبو قنوه …….صباح الخير يا استاذ مالك عازف عن الكتابه من شهر تقريبا !!!!
والله يابو قنوه رمضان شهر عباده وصيام عن الكلام والكتابه والتفرغ للقرأن !!!!
أبو قنوه ……بس انت بواجب الدفاع عن الناس وقضايا الوطن !!!!
هههههههه ضحكتني يابو قنوه ….وطن ايش وسمة بدن أيش !!!!
أبو قنوه ……عاجبك اللي صار في ذيبان قال خيمة اعتصام قال ….!!!!!
شو قصدك يابو قنوه …..مالك اومالهم ناس بتطالب بحقوق منهوبه !!!!!
لايروح انك مع ابو قنوه …….خريج المدرسه العرفيه الذي أكل عليه الدهر وشرب واستنسخوه لنا من جديد وأعادوا احياءه !!!!
أبو قنوه ……….نعم ذيبان مربط خيلنا …ذيبان مربط خيلنا ….بدنا نهدم الخيمه ونقضي على كل من يطالب بحق مشروع له الدوله يجب أن تحترم وهيبتها مقدمه على المطالب والحقوق ….!!!
صقر ام قيس …..على مهلك ارخي بطانك شوي او لا تشد على حالك اوبطق لك عرق تنجلط بعدين ….هم اهل ذيبان من وين يابو قنوه ….لايروح انهم من المريخ او وطن ثاني !!!!
ابو قنوه …..لا يا استاذ بس مابدنا فوضى او ماصدقنا انا خلصنا من خيمة الجامعه الاردنيه ومطالب الطلاب اللي دوختنا او بطلنا نقدر للطلاب !!!!
الناس يابو قنوه تنشد العدل والحلول الواقعيه ولا تطلب مستحيلا كلها مطالب حقوقيه كفلها الدستور ….عاملوهم زي مابتعاملوا أبناء الذوات والباشاوات واصحاب السعاده والمعالي !!!!!
أبو قنوه …….يا استاذ هيبة الدوله بدنا اياها ترجع ….والكل تحت القانون ……!!!
ههههه الكل تحت القانون ….وين كنت غايب انت والدوله عن الحراميه الكبار الحيتان والهوامير اللي سرقت البلد او خصخصته واصبح جيب المواطن هو الحل أت يابو قنوه صاحي ولا سكران ….لتهاجم بلد مركز الوطنيه الاردنيه ومعقلها !!!!
أبو قنوه …..عن أي وطنيه انت بتسولف يا استاذ !!!!
انا بسولفك عن الناس اللي حمت الكرسي تحتك …..او حضنت كل حرامي اجاها بليلة عتمه او نهب او هرب اصحاب الجنسيات المزدوجه ….هذولا الناس ماعندهم الاهويه وحده هي الاردن وحب الاردن ……!!!!
أبو قنوه …..طيب لويش كل مده او لانهم عاملين ثورة او مشكله احنا ناقصنا مشاكل !!!!
لو انها الدوله كانت موجوده عندهم والتنميه وصلتهم التنميه المستدامه وعوملوا كمواطنين من اهل البلاد ماكان ثاروا !!!!
ابو قنوه لا تنغر بالامن والقنوه لحالها ….انزل للميدان اوشوف الناس او مطالبها بدل قنوة الكذب اللي حاملها ولا بعدين ……..اخخ اخ أخ ياراسي من ابو قنوه الله يخرب بيتك على هالقنوه …….!!!!!
الكاتب والشاعر نايف السليم
nayef_alslayem@yahoo.com
