قهوتكم مشروبة
على ضوء نتائج الإنتخابات وما حدث فيها من خروقات وسرقة صناديق وبيع ومشترى عيني عينك ، بتردد بالمجالس سؤال طالما إنه الحكومة بتختار نواب بالتعيين وبكون معروف أصلا هالحكي عند الكل ليش بتغلبنا وبتوجع رؤوسنا وبتعطل مصالحنا وتصرف فلوس وبتعمل إنتخابات ؟
يا إخواني ويا أخواتي الحكومة فاهميتنا صح وبتلعب معنا نفس لعبتنا وبتقلد اسلوبنا بالحياة ،هلا أنا بدي أحكي لكم كيف . مش بتشوفو جاهة طويلة عريضة جاية لخطبة صبية ؟ فبوقف رئيس الجاهة وبيطلب إيد الصبية مع عشرين ثلاثين عبارة مديح وثناء في اهل العروس وكرمهم وسمعتهم الطيبة بين الناس والجميع يهزو روسهم ، ولما يكمل بوقف الوجيه الآخر المكلف من أهل الصبية ويرد بعشرين ثلاثين جملة تحميد وتمجيد بالنضوة وأهله ويحكي اشربو القهوة وابشروا طلبكم مقبول والناس في غاية السعادة ، الغريب إنه كل الحضور بيعرفو انه العرسان انكتب كتابهم من يومين ثلاث وصاروا ازواج بحكم الشرع والقانون . سؤالي لكم عمركو شفتوا حدا من الحضور وقف و حكى ياعمي هضول أصلا مخطوبين وانكتب كتابهم و هاي مجرد أمور شكلية ؟
أكيد لأ . شفتوا انه حكومتنا ما راحت بعيد و مستمدة عرفها من عرفنا وأسلوبها من اسلوبنا وبتعاملنا بالشكليات ؟
#اشربو
.
.
قهوتكو
اجتهادك جميل لكن لم توفق بالتشبيه لانه اشهار الخطبه احد شروط عقد الزواج مع كل الاحترام لك