#طريقة عمل المسخن المضبوط / رضى الفران

#طريقة عمل المسخن المضبوط
بنجيب عشر روس بصل كبار ومفلطحين مثل رؤؤس الفاسدين الكبار بالبلد وكيلو زيت بلدي من زيت مزرعة هذاك الشسمو وإذا ما في جيب زيت بريك من محطة إلي كان شحاذ وصار اكبر فاسد
و3 دجاجات كبار وفاسدين من عند إلي كفلوه لما قال بده يتصدق برمضان
واكم رغيف خبز عربي ودير بالك يكون على قد سدرك لأنه إذا كانوا اكبر من السدر إلي عندك ما رح يضبط وبعد ما تفرم البصل فرم منيح مثل ما الحكومة بتفرم الشعب بقراراتها .
بنجيب طنجرة كبيرة وبتدب فيها الزيت وبتسخنها عالنار وبس يسخن منيح بتزت فيها البصل وتتركوا يغلي مثل ما الحكومة بتترك شعوبها تغلي من القهر وبس يقرب يستوي البصل بتدب عليه ملح وسماق وبتكثر الكمون لأنه إذا ما كثرت الكمون إحنا مش مسئولين عن كم الرزالات الي رح تطلع منك بعد ما تخلص أكل
وبتحمر الدجاج إلي جبته من مزرعة الفاسدين الكبار وبتحمره منيح وبعدين بتجيب سدر على قدك أوعك يكون اكبر من مقاسك وبتفرد المشروح الي اشتريته من صفقة القمح المسوس الي دخل بالواسطة لأنه إلي جابه هامل كبير وبتحط بين كل اكمن رغيف بصل من الي سويته وبعدين كول حتى تشبع
وبس تصير مش قادر تتحرك من مكانك نام عالبلاط ومن دون غطى لأنه الحرامية ما تركوا النا لا فراش ولا غطى نمده واكيد رح يسطحك البرد وتصير تطلع منك الرزالات عن جنب وطرف .
وبعدها يبجوا بياخدوك ويحطوك بواحد من المنتجعات الجديدة إلي رح يبنوها السنة الجاي
#بالله_عليك_تدعيلي_بس_ياخدوك

اظهر المزيد

مقالات ذات صلة

اترك رداً

زر الذهاب إلى الأعلى