خربشات قلم
يا حيف عليكي يا بلد ….
مليانة عقول …
وما يشتغل فيها الا عقل …
مرة سياحة ..
ومرة ملكية وامانة …
وختمها بشيخ دين على عجل …
كله بيسقط بالتقادم ….
الا المناصب …..
بتدوم من الرضاعة
حتى الأجل …
بلغ ستين واكثر …
مش مهم المهم قلبه شباب
ولسه عنده امل ….
يصير مدرب المنتخب
أو نقيب الأطباء
حتى لو بالفحص الطبي فشل …
طول العمر لك …
ياكبير على قلوبنا ….
انت لمريض السكري عسل …
ولا عزاء لشباب بلدي
يبسطوا بالاسواق
وبيعوا فجل او بصل …
المهم الغالي ..
ما يضل بلا شغل
قالوا ان انجن ربعك …
عقلك ما بفيدك
وانا خليت العقل لعقل …
مع الاعتذار الشديد لرئيس كوريا الشمالية طخ وزير دفاعه لانه غفى شوي قال هذا كبر بالعمر وصار خطر .
