#جمعة_مباركة
احدهم يتساءل :
بقول انا متعود كل يوم جمعة اقول لجمهوري العريض على الفيس بوك والواتس اب “جمعة مباركة للجميع” المهم خطره من الخطرات، يوم الخميس تعشيت مجدرة برغل وفغمت معها ضمة فجل مفرون مع راس بصل، وظليت البد منها تا وقعت على ظهري،، وانا قاعد بستنى بالمرة مشان تيجيبلي ابريق الشاي مشان اصطهجه بعد العشاء كالعادة، والا اخذتني سنة من النوم،، صحيت من النوم ما لقيت حالي والا صار يوم السبت مش يوم الجمعة، بصراحة ما بدري ليش صار معي هيك، وانعجعقت كثير وصرت الاخم ومش عارف شو اعمل هسع، واول شغلة خطرت ببالي هو جمهوري، خاصة انهم متعودين علي كل يوم جمعة اطلع بصباحاتهم واغرد واقول جمعة مباركة للجميع،
هسع السؤال هون، واللي ببطح نفسه، بصير اقول لجمهوري جمعة مباركة يوم السبت باثر رجعي، والا اطلع كفارة او اخليها ليوم الجمعة الجاية احسن بقضيهن مع بعض ؟
افيدوني جزاكم الله خيرا ،،
….ارسلها ولا تدعها تقف عندك ، ولا بنخرب بيتك او بتطفر او بتنحرق او بنتعل سنسفيلك الاولاني
