صعوبات التعلم والمجتمع
من جديد توعى الناس لفئة جديدة من الذين يحتاجون تعامل خاص وقد نعتبرهم من فئات الاحتياجات الخاصة، يكون لديهم مشاكل في القراءة والكتابة والحساب ومشاكل في التركيز وعدم قدرتهم على الجلوس لفترات طويلة بقصد الدراسة، وهذه الفئة انتشرت بكثرة لان المجتمع كان ينعت الطفل الذي يكون مستواه التعليمي متدني ببعض الالفاظ السيئة فهذا واقع مجتمعنا ومن بعض الجمل المتواردة في المجتمع :”عفوا!!! انا ابني اشطر واحسن الناس شو عندو صعوبات تعلم”.
ومن الافت بالامر ان صعوبات التعلم ليس بالشيء الخطا او السيء انما هذه الفئة فئة مهمة جدا ويجب التركيز عليها وعلى ذلك ان لم يتم علاجها تتفاقم في المجتمع..
وهنا اوضح حوار بين اخصائية وام طفل..
الام: مرحبا
الاخصائية : اهلا وسهلا كيف بقدر اخدمك.
الام: اهلا فيكي انا حابه بصراحة تعطي ابني دروس تقوية هو في الصف الخامس مع العلم تحصيل درجاته بالعربي والرياضيات متدني وبباقي المواد عادي بس ابني شاطر.
الاخصائية: انا ما عندي مشكلة بس لازم اقيم الولد ما بقدر ابدا هيك في اسس بدي اقيم عليها عشان اشوف شو محتاج.
الام: اهلا وسهلا تفضلي وقت ما بدك.
*هون الاخصائية بدات تحضر لتقابل الام والطفل وتقيمه*
الاخصائية: سألت الام اسئلة عن الطفل و الام: قالت لها عن اذنك انا بدي اروح وانتي اجلسي مع الطفل وقيمي براحتك.
الاخصائية: بلشت تقيم بالطفل والطفل وضعه سيء جدا. لديه تأتأة في الكلام وفي بعض الحروف مخارجها خاطئة.. الاخصائية انصدمت وقالت دعيني ارى قدرته بالرياضيات قيمته بالرياضيات العمليات الحسابية البسيطة لم يتعرف عليها وبعض الارقام لم يقراهم بشكل صحيح .
اذن.. قرائي الاعزاء سوف يكون بباقي المواد سيء لانه بجميع المواد تعتمد على القراءة والكتابة.
حان وقت الاخصائية تقول للأم:
الام: اه طمنيني كيف ابني “شطور ” لا يحتاج كثير من الحصص.
الاخصائية: حبيبي انت روح وخليني اقعد انا وماما لحالنا بدنا نحكي..
الولد: حاضر مس….
الام: اه تفضلي احكيلي..
الاخصائية: بصراحة لم اعرف من اين ابدا
الام: خير خوفتيني.
الاخصائية: بصراحة ابنك محتاج كتير رعاية واهتمام ولا تخافي من كلامي ان شاله بتحسن بس انا قيمته بصفه الي هو خامس لقيته كتير عندو صعوبات فبالعادة منضل نزله سنة دراسية لحد ما نشوف وين هو .. فقيمته بصف رابع ما مشى معي قيمته بصف ثالث برضو ما مشى معي و قيمتو بثاني لم يعرف شغلات اساسية انا مش عارفه كيف ما انتبهتي عليه كل هاي الفترة…
الام: شو قصدك ابني غبي ؟
الاخصائية:عفوا شو هاي المصطلحات انا بحكيلك ابنك بدو علاج وان شاء الله اموره بتتحسن…
الام: لا ابني ما مالو اشي وطبعا انتهى هذا الحوار العقيم مع الام والاخصائية بتقنع فيها وهي ولا هون.
طبعا انا احكيكلم ملخص هاد الحوار انه زمان ما كان في وعي بالمدارس الحكومية ولا حتى بالخاصة كان الترفيع تلقائي وما كانوا يركزوا ما دام في دفع فلوس بالخاصة بتمشي الامور بس الحمد لله من جديد اصبح في توعية اكثر عند الناس لهاي الشغلات والله مش عيب ولا حرام انه يكون الولد عنده مشكلة العيب والحرام انه نسكت عن هاي المشكلة وتتفاقم الرجاء الحار الانتباه والتوعية لولادكم وازا بتلاحظوا عليهم مشاكل دراسية في الصفوف الاولى مش غلط تسألوا اصحاب الخبرة بتمنى انه الكل يستفيد واحنا منسعى نحو مجتمع افضل وعقليات اوعى..
