امثال شعبية أردنية عن شهر كانون والمربعانية
” نبيل عماري ”
1- بكوانيين لا تسافر يا شقي
2- الشتا ضيقة لو انه فرج
3- المربعانية، يا بتربـِّع يا بتـقـبـِّع
4- المربعانية، يا شمس تحرق يا مطر تغرق
5- المربعانية، يا بتشَرّق يا بتغـرّق ** بتشرق يعني الجفاف ريح شرقية ناشفة
6- كانون فحل الشتاء
7- بكانون حضر الجفت والفحمات والكانون
8-الشغل بكانون أسلم ما يكون
9- بكانون كن وع الفقير حن
10- بكانون كن ببيتك وكثر ملحاتك وزيتك
11- بكانون الأصم اقعد ببيتك وانطم * كناية عن شدة البرد
12- الصحوة بكانون ظنون * كناية عن كثرة المطر والثلج
13- عرس المجنون بكانون
14- بعد كانون الشتاء بيهون
15- بين كانون وشباط عند جارك لاتبات
16 – (إذا غيمت باكر احمل أغراضك وسافر – وإذا غيمت عشية لأقيلك مغارة دفيه ) .
17- كانون ابو الغيمات واللزبات
18- ام سليمان ترقص ترقص * كناية عن الريح الشرقية
19- برد اللي يقص المسمار
20- أبرد من طينة كانون
21-بكانون كثر النار
22- في كانون شق المي وأزرع
23- إن قوست باكر أحمل عصاتك وسافر * كناية عن فوس قزح
24 – أن قوست عصرية دور إلك على مغارة دفيه
25- من قلة هدانا انقلب صيفنا إشتانا
26- أبرك إيامها إشتاها أو ماها
27- البردان لا تشاريه يكفيه رقص إضروسه
28- كل الشجر بتعرى بكانون إلا السرو واللزاب والزيتون
29- امشي مع غيم كانون ولا تمشي مع شمس شباط
30- رياح كانون شيبت النسور
31 – كانون الأجرد خلا الشجر أمرد
32- كل رعدة بكانون ثلجة بشباط
33- ما احلى من قمر تشرين ولا أظلم من عتمة كوانيين
34 – شو مالك يالوز يا مجنون بتزهر بكانون
35 – المربعانيه عشاها ما بعشي وغطاها ما بغطي