العقل والحظ …. / م . بلال الشرمان

العقل والحظ ….
طبعا بالبداية كل اشي مقدر من الله، وكل شئ ميسر لما خلق لة، واذا اراد الله امرا يسر له اسبابة….
المهم….
لو اخذنا الفيسبوك كمثال
بتيجيلك بنت بتكتب (مشتهية ليمون ) بتلاقي 1435 اعجاب 1200 تعليق كلها بتنتخي عشان تجيبلها رمان وليمون (الدنياء حظوظ)…
على الجانب الاخر، دكتور معة شهادة اعرض من قزاز الباص الامامي بكتب مقال عن “دور العقل والتفكير في بناء الدولة الحديثة ” بتلاقي 11 اعجاب ، وتعليق واحد يتهمة بالعلمانية والالحاد وانة كافر ويتوعدة بنار جهنم، ونفس اللي كتب هون بكون كاتب للبنت “يا ريتني رمانة وتفرفطيني بدياتك”، هالذايح الهامل حرامي اللوز ..
مثال ثاني…
الناس ما بتحب تلعب شطرنج، لانة هاي اللعبة بتبين مين الذكي اللي بفكر وبحسب لقدام ،الناس بحبوا يلعبوا شدة لانها كلها حظ، واللي بفوز حتى لو كان غبي رح يقول انا فزت بشطارتي، والخسران بصير يلوم بالحظ وما بعتبر حالة خسران…
والحياة نفس الشئ ناس بتعتبرها لعبة شطرنج وبتحاول تستخدم العقل للوصول الى الهدف المطلوب، ولكن عنا بالاردن اغلب الاحيان بيطلع الهدف تسلل وبرجع يعيد اللعبة من جديد، مثل الشباب اللي درسوا وتخرجوا وقاعدين بستنوا بالشغل اللي بيجي بعد ولادة قيصرية وبالشهر السابع، انفخ علية بموت…..
وناس بتعتبرها لعبة شدة وبتلعن الحظ اللي كان سبب فشلهم، جماعة الشدة ممكن تزبط معهم حتى لو كان ما الهم حظ، بسبب الحظ اللي ورثوة عن الاب او الجد، مثل اغلب المسؤولين واصحاب المناصب عندنا بالاردن والامثلة كثيرة ( مين سمير)…

اظهر المزيد

مقالات ذات صلة

اترك رداً

زر الذهاب إلى الأعلى