العادات والتقاليد
هاي يا حفيظين السلامة يقال بان شاب من احدى القبائل الاردنيه كان اسمه عواد احب فتاه من واشنطن الغربيه اثناء دراسته هناك ، لانه يا جماعة الخير حتى بامريكا فيه فقوس وخيار مثل عندنا بالاردن….
المهم الاخ عواد راح على ابوه وحاول معه عشان يروح يخطبها لانه الجماعه جايين على الاردن وحب يستغل الفرصه ، ولكن ابوه تنح ورفض الا يخطبله وضحى بنت ابو صقر مختار العشيره وعقيد ربعها
المهم ضل يحاول عواد مع ابوه وقالة : (يا حجي الجماعه مش من جماعة الصالات والتكاليف وناس بسيطين جدا وما بدهم جاهه وبدهم الموضوع عائلي وبسيط وكل اللي بطلبوه ذبله وبجوز يطلبوا خاتم كمان )…..
المهم ابو عواد وافق وقرر الاب ان ياخذ خمسه (شروا من عندي بالخير) من وجوه العشيره مع شيخهم عشان يحكي باسم الجاهه .
ولما وصلت الجاهه عند الجماعه تفاجأ الاب انه ابو البنت استقبل الجاهه الكريمه ” بالشورت ” ، المهم عواد حاول يلملم الموضوع ، وحكى لابوة انه الشورت هو اللباس التقليدي عندهم ، مثل الدشداش عندنا ، وبعد الاستقبال والتهلايه غاب دقيقتين زمن ورجع وهو شايل خمس ” علب بوظه ” على عدد اعضاء الجاهه وقام بتقديمها للجاهة الكريمه….
عواد قال لابوه وكبير الجاهه انه هاي عوايدهم كمان يابا الزلمة ظيف ، العرب بقدموا قهوه والاجانب بقدموا بوظه…..
المهم الشيخ كبير الجاهه قرر انه يمشي الوضع، وبلش بالحكي :
اخوي ابو مايكل، احنا جايين نطلب ايد بنتك” انجلينا” لابنا عواد وحابين قربك ؟
رد ابو البنت: احنا ماعنا اي مشكله شباب ، اصلا هم بيعرفوا بعض من ثلاث سنين ، انا وامها موافئين، اتفئنا…
رد الشيخ وقاله : يعني ” نلحس “؟ بوظتنا
قال: الحسووووو ……. انا اعطيت يا مان
