أبو قنوه …….والبيان الانتخابي الاول !!!!!
ابو قنوه ……….صباح الخير يا استاذ !!!!!
هلا ابو قنوه هلا وغلا بالنائب الجديد ….اقصد المرشح الجديد !!!!!
ابوقنوه ……هههههههه بتحكي استاذ عن جد ولا بتستهزئ بي والله اذا بتتمصخر علي لالخمك بهالقنوه اجيب اخرتك !!!!
يارجل ماني من عامة الشعب اللي بدها تصوت الك …..
ابوقنوه …بلا شعب بلاهم بلاغم اقرأ لي بياني الانتخابي اوراجع لي اياه …ياقطروز !!!!!
ابو قنوه اليوم حميانه معاه اموره مدربكه بناديني ياقطروز ……..طيب يابو قنوه ماني مراجع بيانك الانتخابي شو بدك تعمل غير ضربه بهالقنوه ….اوبعدين عطوات او جاهات وصلحات !!!!
أبو قنوه ….هاظ الاستاذ اخذ الحكي جد …..يازلمه أنا بمزح معاك …مش بكره لما اصير نائب بدك تصير من مسامير الصحن حولي …..وبلكي نفعناك بشي شغله بدل هالكتابه وكثر الحكي اللي ما هو جايب لك غير وجع الراس بلا فايده !!!!
لا يابو قنوه…… هذي رشوه او مال اسود وانا مالي بسوالفك كلها انت شايف القانون ما بيطبق غير على اشكالنا !!!!
أبو قنوه ….الله يخرب بيتك لا تضيعنا مال اسود ….هو اني معاي احلق لادفع للناس مانت شايف الحكومه بس بدها زميره تزمر !!!!!
هسا شوف لي بياني الانتخابي اللي بدي اقراه عليك وشو فيه عندك تعديلات عليه !!!!!
هات لا شوف يا بوقنوه ….سنة هالخ………معاك !!!!
أبو قنوه ……أيها الشعب الكريم ونزولا عند رغبة الاهل والاصدقاء والمقربين والعشيره الكريمه …….؟؟وقف وقف ….!!الله يخرب بيتك يابو قنوه ما اكذبك …اي اهل وأي اصدقاء وأي عشيره بتسولف عنهم ما كلهم مابعبوا بكب تويوتا اربع خمس زلام مع نسوانهم والك ماشفتهم من سنين وانت صايع بالزرقاء او عمان هما داريين عنك ولا انت داري عنهم !!!!!
أبو قنوه …..والله يا استاذ انك بهدلتي او شرشحتني…يازلمه هاظا انت طلعت من المعارضه !!!!
هههههههه……..لمين معارضه يابوقنوه ….!!!!
أبو قنوه …..الي طبعا هو في غيري نجم الساحه وابن اللواحه !!!!
أخ أخ أخ أخ أخ ياراسي الله يكسر ايدك يابو قنوه سطحت راسي وين الحكومه وين الشرطه !!!!!
يتبع …………..!!!!!
