شيء ما حدث للناس

الناس تقطع الشوارع بلا التفات..تزمّر لهم فلا يسمعون أو يطنشون..لا ينظرون إليك..! كأنهم سرحانون في كل الدنيا..كأنهم جبال من الهمّ والألم..! هناك شيء ما حدث للناس يا جماعة..كأنهم مسلوبو الإرادة؛ أو شديدو البرادة..! كأنهم أشباح تمشي على الأرض..تحكي مع الواحد وهو ينظر إليك وبعد أن تسكت ؛ يبقى ينظر إليك فيقول لك ببرود بعد نصف دقيقة : ها..آه..! لأنه لم يكن معك..وكل نظره إليك هو نظرة واحد أهبل مش مركز بشيء..!
أقسم بالله أن شيئاً حدث للناس؟؟ معقول الطفر؟ معقول الخوف؟ معقول معمول لهم عمل ؟ معقول ناموا وصحوا فوجدوا أحلامهم قد سُرقت؟ معقول عليهم أقساط ؟ معقول الفواتير كاسرة ظهورهم؟ معقول فش معهم حقّ الأدوية؟ معقول أولادهم ينقّون عليهم في الطالعة والنازلة؟ معقول أن هناك من وضع لهم حبّة السطلان في القهوة..؟!
يا جماعة في إشي..شو هو ؟ مش عارف بالضبط ! بس الناس مش الناس اللي (خِبْرَك) فيها..! نفسي أعرف شو اللي صار للناس..! معقول أنا غايب فيلة..؟!