شوارع اربد/ابو نواف

هالخبر مش للنشر ما بدي اصير تسلايه و لا مستني حدا يكتبلي تعليق يمدحني هالخبر بده زاويه يوميه حتى نبطل نروح عالمدينة الصناعية شبه دوري كل سبت نغير بوكسات و عمدان توازن و صنوبرصات و نسمع مزاقات نقعد نتحزر عن مصدرهاالواحد مش ناقصه مصاريف وصدقني يا استاذ احمد حالي حال كل اللي بمرو من الشوارع التاليه قيد عندك خيوه

1 من اشارة صالة الشرق بنهاية شارع الثلاثين لاشارة حواره
2 من مدخل بلدة بشرى و سال لدوار الثقافة
3 من اشارة محلات دراوشة ل دوار حسن التل

نفسي هالمسؤول رئيس البلدية او مسؤول بالاشغال او المعني بهيك اشي يمر من هالشوارع بسيارته الخاصة مشان بس تبلش تموج يحلف يمين يطلع ورشة بساعتها ازفتهن بالكامل مش ترقيع
يا اخوي يا احمد الزعبي هاي بالله و بيك اظلك ورا هالشوارع تا تسهل ربنا اسهل امرك وين ما وجهت

اظهر المزيد

مقالات ذات صلة

اترك رداً

زر الذهاب إلى الأعلى